torsdag 6. februar 2014

Weekendbag

Min Amy Butler Weekendbag er endelig ferdig! Juhuu!!! 

Sydd i tjukt stivt møbelstoff med biser og botn i svart kunstlær. Stakkars symaskina mi! Dette var mange lag og tungt å sy så det blir nok ikkje fleire av denne sorten med det første...Hankane bestilte eg på Ebay. Sydd på for hand (not my thing!)

Om det ikkje kjem så godt fram på bildet så er stoffet grått og lilla hundtann-mønster.
Leeenge sida eg har stingsatt noko, men gamle kunster kjem kjapt tilbake ;)
Eg vart superfornøgd med broderiet!

søndag 26. januar 2014

Ut på tur

Årets første overnattingstur på hytta på Rognestøylen. Fantastisk med så lite snø! Vi kan kjøyre heilt inn på setra og ingen rasfare.

Eg drog inn tidlig på dag for å starte fyringa. Satt inne fullt påkledd med opa dør og full fyr i omnen. Etter vel ein time slutta eg å puste frostrøyk inne...he he. Vel verdt det for når vi kom innover på kvelden var det fortsatt grei temperatur inne i hytta og fort gjort å få det godt og varmt.

Ut på kvelden tok eg med meg Sander ut for å sjå på stjernene og ta bilder.

Det endte ganske gøy! Sander nekta å gi seg og sprang og sprang. Å leike seg med laaaang lukkartid er SÅ gøy!
Mammsen måtte vere med å springe litt også...puh...

Først skøytetur på tjønna

Alle på same bilde!?! Utrulig!
Seinare, spasertur fram til Storevatnet

Isfiskarane målte isen til ca 15 cm og hadde målt Lisjevatnet til 13-15 cm i går. Det var mykje lyd i isen på begge vatna, det betyr at den veks. Det kan vi like.

Og meda vi venta på sommaren

Skøytetur på Lisjevatnet. Fantastisk svart klar is, nesten som at den ikkje er der... Nydelig å gå på!

Med så lite snø blir det heilt klart mange daga på skøyter denne vinteren!

Dåpskake Andrea

Fikk endelig anledning til å bruke snøkrystallane, syns dei er så fine!
 Sjokoladekake med eit lag mokkasjokoladekrem og eit lag ferske(!) brinngebær. Rundt kaka var vanilje ostesmørekrem og trekk i rosa marsipan.
Tenk å kjøpe ferske bringebær i januar, LUKSUS!!!
Marsipan perlekant med kvite perler. Litt pirk, men syns det blir kjempefint og gjer det lille ekstra på borda.

Håper den smakte :)

onsdag 1. januar 2014

Godt Nytt År

Godt Nytt År alle sammen!

Min aller første tur til Fonnvernet avslutta 2013. Jammen på tide etter over 13 år på Sæbø...

Utsikt frå Fonnvernet litt før 12
 Fyrverkeriet i Fonnvernet


 Starta året med fjordårets store hit "selfie"

tirsdag 31. desember 2013

Julegåver

Litt av dei julegåvene eg laga.
 Bukse i ullfrottè frå Janus, med verktøystoff frå Sydilla.
Mønster frå Heilt Spesiell og Jubel
Forkle til ei fantastisk bakeglad jente som eg saknar kvar dag!
Vinyltrykket kom på etter eg hadde tatt bilda...langt på natt ;)

Eit vinglas laga i siste liten fordi eg hadde så lyst å prøve og det passa så utrulig godt til personen. Det vart laga så i siste liten at det vart ei uinnpakka ekstragåve i gåveposen. 
"Life is SEW good" og "C"

Postkasser med vinyl


Cookie in a jar
Desse glasa lage eg mange av og ga ut som ei ekstra gåve eller overaskingar til folk som overhode ikkje forventa noko. Veldig kjekt!

 Seigemanna uten manna... 
 Høyrer jula til her i huset og glas med godsakene blir delt ut :)

torsdag 14. november 2013

Forkle til jul...

eller heile året? Ja, takk, begge deler :)
Forkle er sydd med innsnitt for ekstra fin passform og dobbelt så det kan brukast på begge sider.
Herlige Paris på eine sida og Glade Jul på andre sida.

Om det ikkje blir seldt før så blir det lagt bort på julebutikken til Husflidslaget på laurdag. Ope 11-13. Nytt lokale i Bruksbutikken, Garvargata 1. Tombola, kaker, kaffi og mykje flott handarbeid :)

Bryllaup og dåp

Eit utdrag frå helgas kaker. Først ei bryllaupskake
Ei vaniljekake med jordbærmousse og lemon curd ostekrem og ei ekstra mørk sjokoladekake med bringebærmousse og sjokoladekrem. Trekk i kvit marsipan og pynt i fondant. Handlaga bru av melisglasur. Rosene skulle stå til buketten og etter det eg hørte traff eg nokonlunde bra med fargene :) 
 Mørk sjokoladekake med bringebærmousse, vaniljekrem og sjokoladekrem. Trekk i marsipan, pynt i fondant. 

søndag 3. november 2013

Huer med REFLEKS!

Huer med refleks er supert no i mørketida! 
Desse er fora med deilig ull frå Janus.

Desse er i str 5-8 (eller meir) år
 Str ca 3-5 år
 Til jentene
Dette er dei to siste eg har i desse stoffa. Str 5-8 år
 Str 3-5 år
Om du har lyst å kjøpe ei slik hue kostar den 170,- kr inkl frakt.

Eg har laga meg i side på Facebook, HOBBYVINYL
Må gjerne sjå innom og gjerne like sida mi om du vil :)

lørdag 2. november 2013

Dåpskaker

Fleire søte dåpskaker.

Begge kakene er vaniljekake med jordbærmousse og sitronkrem.
Kake til 30 personar.

tirsdag 15. oktober 2013

Litt andre huer

I påvente av ny forsyning med stoff måtte eg finne på noko. Så eg leita opp restane av hue-stoffa og gjekk i tenkeboksa. Vart veldig fornøgd med resultatet.
Synst det vart tøffast med rett over saum. Dei var veldig populære på forrige messa så eg vart raskt tom for dei så på neste messe skal eg ha fleire :)
Dekorert med litt refleks for ekstra pynt og praktisk no i mørketida. Fora med merinoull.