Den årlege Røde Kors-loppemarknaden gjekk av stabelen i går. Dette er den største loppemarknaden her omkring og Volda (Ørsta) Røde Kors legg ned mykje arbeid i å ordne til. Eg sto som nr 3 i køa, klar til dyst :o)
Den aller kjekkaste tingen eg fekk med meg var denne knapperundellen. Knappane var støvete og låg hulter i bulter. Eg håpa der ihvertfall var nokon like slik at dei kunne nyttast til anna enn pynt.
Vaska og sortert.
Bileta er uten- og med lokk.
Mange like! :D
Det som er litt dumt med loppemarknadane her omkring er at dei tek imot svært lite tekstilar. Eg fryktar at mange mange av dei kule sengkleda frå 60- og 70-talet i distriktet er brent. Noko som eg tykkjer er svært synd!
Ein gammal kaffikjele, og gamle nøklar
Kun til pynt.
Og kakefat.
Dei låg på botnen i ei kasse under bordet. Eg hadde egentlig ikkje tenkt å kjøpe alle, men i det eg røyste meg opp såg mannen bak bordet på meg og sa 50 kr.
50 kr!
Då måtte eg sjølvsagt ta alle...
Litt anna ymse fekk eg også med meg. Totalt brukte eg 200 kr. Ikkje verst.