Oh, what a day...

Denne kom i posten i dag :o)

Ein fin kvit Nokia N97! Har ikkje fått testa den så mykje enda, men fann ikkje fotoapparatet når eg skulle ta bilete i stad så då fekk eg testa mobilkameraet.

Må vel sei meg godt nøgd med kvaliteten på bileta.

Deilig med blomster ein kan hente frå eigen hage. Eg er heilt avhengig av friske blomter i ein vase på sjenken. Kvite haustfloks og klematisen Jackmani prydar både sjenken og salongbordet.

Det var fleire herligheiter som låg i postkassa i dag.

Haust\vinterkatalogen frå Stoff og Stil, meget hyggelig "lesning". Nyaste katalogen frå Panduro kom også. Trur eigentleg at dei kom på laurdag, men då glømte vi å hente posten... Kva skal eg bestille først og sist...?!?!?

Bambusen min lever!

Halleluja! I fjor delte og flytta eg den store bambusen min. Det har den nok ikkje likt, for stammane som var ca 2 meter høge dauda alle saman. Det var kun to små små stilkar som var grøne i vår. Eg håpa og håpa.... Og her ser du den, ein ny frisk grøn stamme, ca 50 cm høg!

No håpar eg berre det kjem maaange fleire!

Dei grøne blada du ser er ein nydelig Klematis som eg fekk med Cathrine i bursdagsgåve i fjor. Den heiter Summer Snow og blomstra i fjor med små lysegrøn kvite blomstrar. Les på nettet at den kan bli ganske stor så eg er veldig spent på blomstringa i år.

Vi prisar sommaren og grilla til middag (kvelds...)

Forskjellige grillspyd med kylling, pølser, grillmør og speka hjortemår. Grilla meiskolbe, tomatsalat med pesto og Feta og grønsalat med currydressing. Nydelig!

Sander såg på det eg hadde laga til å spurte: Er det kosedagen i dag mamma? Nei, svara eg, den er i morgon. Åh, kor deilig svara han, då gledar eg meg til i morgon også! Gutane søv forøvrig i ute i telt for tredje natta på rad...

Tøffingane mine... Då er det straks på tide å finne senga :o)

Eg ville berre...

ynskje alle ein god onsdag med bilete av Duppesoleia mi som no står i full blomst.

Dei er så nydelige med små kvite fylte blomane sine, berre synd at den varer så kort...

Litt kjapt

...medan Bonden og Gutane hentar pizza.

Denne kjøpte eg i dag. Ei vidundelig lita skål til 39 kr som eg berre ikkje kunne gå forbi. Det er vel ikkje til å stikke under ein stol al eg er litt svak for skåler i pressglas, gjerne med lok...

Tidligare denne veka var det plantedag, også kalla gravplantedag, på Sæbø. Eg hadde selvfølgelig ikkje kamera i bilen... Dette er den store dagen då folk på Sæbø handlar sommarblomster til hus, hage og ikkje minst graver. Eg har inga grav å stelle, men nytta høve til å få med meg litt heim.

To flotte kraftige georginer, to gulgrøne og ein lys rosa prydtobakk, to kvite ampel lobelia og ein artig liten sak som eg ikkje veit namnet på, den var vinraudaktig, men blir vist blå...

Då det har regna i stride straumar sida har dei ikkje komt i krukke enno. No har sola komt, plener er klipt og plantene kjem i krukker i morgon.

Håper alle får ei nydelig Pinse!

Blomstertid

Gjekk innom ein blomsterbutikk og enda opp med nokre herligheiter. Eg er ingen stor Fuksia tilhengar, men denne greidde eg rett å slett ikkje å gå forbi. Georginer derimot er eg veldig glad i, og lysrosa...hurra! Kjøpte to av dei også. Litt små, men reknar med at dei veks seg til, håper berre pottene held...

Men det eg eigentlig såg etter var desse.

Pelargoniaen Dronning Ingrid, ein nydelig sak!

Kjøpte to og dei skal få pryde leveggen over benken. Eg satsar på ein nydelig sommar så eg får nyte og pleie desse herligheitene.

Då er vi snart klare for pizza og MGP.

Heia Alexander!

Ha ein fortryllande kveld og ein super 17. mai!

Hurra!!!!

Amokk på KiD

Eg likte så godt den siste brosjyra til KiD at eg heiv meg rundt å kjøyrde til Ulsteinvik i ettermiddag. (Var også innom Krukkehuset og Farmors krambud altså) Det var lurt, dei skulle ha 40% på heile butikken frå 17-19. Eg hadde då ikkje tenkt å vere der ute så lenge, men kunne ikkje la det gå ifrå meg så change in plans.

Kjempenøgd med dagens handel! Magasinhaldaren har allerede fått besøk av det siste ROM 123 som kom i posten i dag. Blomsterpotter, parafinlamar, sitteputer, dukar + litt til...

Bilete frå terrassa etter at eg har fått ordna noko av det eg kjøpte i dag.

Dei Spanske Margerittane mine hadde altfor små potter å trivdes ikkje. No har dei fått større potter og godt med skikkelig gjødsel. (Skikkelig gjødsel: gå å hente møkk bak ei ku å blande det med mykje vatn. Superstoff!)

Så no håpar eg dei blir store og flotte!

Om du ser at terrassa mi er dekt av kvite små prikkar er det fordi Bonden meinte at plenen trengte litt kunstgjødsel. Greit nok... Traktor og kunstgjødselspreidar!?! Plen, blomsterbedd, krukker, kasser...og terrasse har no fått rikelige mengder kunstgjødsel. Ja, ja, då treng eg ikkje tenke meir på det.

Då skal eg kose meg med siste utgåve av ROM 123 medan Gutane ser på MGP.

Heia Alexander!

Kos dokke i kveld!