Nissane mine...

og dei raude raude telyshaldareane har gjort sitt inntog i heimen. Ungane drikk julebrus over ein lav sko (-berre i helgane sjølsagt) og siste rest av bakinga håpar eg å få unda i helga.  Eigentlig brukar eg å leite fram alt til 1. advent, men i år er eg seint ute...

Nokre av nissane miner er større favorittar enn andre.

Denne har eg måla sjøl.

Han kan delast på midten og er eigentlig ei kakeboks, men hjå oss står han i stova fylt med Twist.

Det er eigentlig ikkje så mykje eg brukar å bake. Eg er så heldig å ha ei kjekk svigermor i nabohuset som kjem med sine faste sortar. Kvart år får vi smultringar, krumkaker og verdas beste løfser, og heimebaka flatbrød. Vips, 3 sortar klare ;o)

Desse luringane...

er berre supersøte! Skikkelige skoganissar, dei står alltid her ilag med vedaomnen.

Det er faktisk den til høgre som er størst, men det kom litt dårlig fram.

Ungane er veldig glade i julemannar og eg i peparkaker. Julemannane målar vi før vi steikjer dei, men peparkakene får pynten sin først no i helga. Melis og Nonstop er kjøpt inn.

Må vel lage eit par sortar til. Julekjeks, og kokostoppar kanskje...

Nokon som har ei godt forslag? Kva er din favoritt?

Dette søte paret...

er eit resultat av at eg vart sendt ut for å kjøpe blandevatn på eit julebord. Litt blandevatn og nissar til 300 kr stk var i bæreposen min...

Konfekt. Det likar vi (eg)! Mine faste konfektbitar er appelsin-marsipan med sjokoladeovertrekk, rom/rosin, sjokoladekarameller og seigemannar. Litt meir sporadisk er Sarah Bernard og anna marsipan. Eg elskar marsipan! Tenkte å prøve Pistasj-marsipan og kvit sjokolade. Laga du det i fjor Cathrine?

I vindauget på badet

sit denne nydelige saken. Han er berre så søt!

Det er vel ikkje til å stikke under ein stol at eg er ein nisse-person. Englane byrjar og å kome inn, men eg er mest nissar. Eg ar faktisk ikkje kjøpt meg nokon nye i år, men kontaterar at det berre er 5. desember enno. Ca 40 nissar er kome fram til no, det er sjølsagt alt forlite! Eg har nokre til eg ikkje har leita fram enno, men eg har enno plass til mange mange fleire.

Er passelig i rute med julegåvene òg. Om dei ikkje allereide er innkjøpt har eg stort sett ein plan for dei aller fleste. Dei vanskligaste har vore til gutane, men der har eg òg komt på ein god idè.

Eg har blitt flink. Før kjøpte eg ting til dei heile tida. Kle, leiker, spel, kva som helst. Nokre gongar fordi dei trengte det, men ofte berre for at eg hadde lyst å gi dei det. Det er det no heilt slutt på! Sjølsagt fekk dei nye jakker til vinteren fordi dei frå i fjor var for små og dei manglar absolutt ingenting, men ting som kan vente, får dei til jul.

Ynskjer alle ei kjempe god helg!